Для хостэлаў разрозніваюць тры коштавыя катэгорыі адпаведна для нізкага, сярэдняга і высокага сезонаў. У высокім сезоне (водпускаў і святаў) кошты заўжды самыя высокія і часам ураўноўваюцца з коштам за нумар у двухзоркавай гасцініцы.
Кошты ў хостэлах пачынаюцца ад 30 зл. за чалавека. У некаторых хостэлах існуе магчымасць платнага праката тэлевізара, праса ці халадзільніка. Кошт такой палугі не перавышае 10 зл. за суткі. У выпадку доўгага прабывання (мінімум 2 тыдні) звычайна існуе магчымасць торгу па пытанню кошту за гасцінічныя суткі.
Міжнародная база хостэлаў, абслугоўванне на польскай, рускай, беларускай і іншых мовах.
Турыстычныя базы
Кошты для турыстычных баз вагаюцца ад 15 зл. за месца ў шматмесцавым нумары да 80 зл. за аднаасабовы нумар.
Турбазы часта прапаноўваюць зніжкі (у межах 15%) уладальнікам карт ISIC, EURO<26 (такія карты даступныя для студэнтаў, выкладчыкаў і настаўнікаў), а таксама ўладальнікам чалецкіх білетаў некаторых міжнародных турыстычных арганізацый (напрыклад, Польское Грамадзтва Моладзевых Турбаз - ПГМТ [Polskie Towarzystwo Schronisk Młodzieżowych – PTSM]).
На зніжкі могуць таксама разлічваць вялікія арганізаваныя групы.
