Kантроль білетаў
Правяраць білеты ў гарадскім грамадскім транспарце ўпаўнаважаныя адпаведныя кантралёры, апранутыя ў цывільнае, а ў цягніках – кандуктары, апранутыя ў сінюю ўніформу. У некаторых выпадках, напрыклад, у аўтобусах сістэмы Дзяржаўнага аўтатранспарта, білеты правярае вадзіцель, а часамі падчас паездкі ў аўтобусе дадатковы кантроль выконваюць кантралёры, якія ўваходзяць на прыпынках.
УВАГА! Па Вашаму запатрабаванню кантралёр павінен прад'явіць адпаведны дакумент.
Па запатрабанню кантралёра неабходна прад'явіць білет (яго трэба захоўваць на працягу ўсёй паездкі на выпадак новага кантролю), і, калі Вы маеце права на скідку (студэнцкую, па інваліднасці), неабходна таксама прад'явіць сапраўдны дакумент, які сведчыць Ваша права на гэтую скідку. Кантралёр можа таксама папрасіць прад'явіць дакумент, які сведчыць асобу, напрыклад, для таго, каб параўнаць імя і прозвішча на Вашым білеце з гэтым дакументам.
У выпадку адмовы прад'явіць білет, як і адмовы прад'явіць дакумент, які сведчыць асобу, калі пасажыр не мае білета, парушальніка могуць даставіць у Камісарыят паліцыі для вызначэння асобы і выпісвання штрафу. 
Штрафы за поездку без сапраўднага білета адрозніваюцца (яны залежаць ад горада і транспартнага сродка, якім Вы карыстаецеся) і складаюць суму ад некалькіх дзесяткаў да некалькіх соцен польскіх злотых.
