Турыстычны транспарт
Для тых, хто хоча пазнаць Варшаву з незвычайнага боку, рэкамендуем турыстычныя маршруты:
- Сезонны рачны трамвай [tramwaj wodny], які плавае па Вісле ў летні час (да 30 верасня). Трамвай выплывае з прыстанку Stare Miasto з набярэжнай каля Mostu Śląsko-Dąbrowskiego, штодзённа ад 9:30 да 16:30, кожную гадзіну. Працягласць рэйса каля 90 хвілін (кошт нармальнага білета - 14 зл., ільготнага – 7 зл.). З гэтага самага месца ў выходныя а 9:30 выплывае рачны трамвай да Zalew Zegrzyński, які знаходзіцца непадалёку ад Варшавы. Рэйс працягваецца каля 7,5 гадзін (кошт нармальнага білета туды і назад - 48 зл). Раім зарэзэрваваць месца па нумары (022) 534 55 04 альбо непасрэдна: This e-mail address is being protected from spambots. You need JavaScript enabled to view it .
- фурманка з коньмі [omnibus konny] курсіруе ў Старым і Новым Горадзе [Starym i Nowym Mieście] ад канца чэрвеня да канца верасня (на такім транспартным сродку перамяшчаліся па Варшаве на пачатку XIX стагоддзя). За адзін раз яна можа перавезці 12 чалавек. Такія фурманкі выяжджаюць з Замкавай Плошчы [Placu Zamkowego] кожны дзень (акрамя панядзелкаў) кожныя паўгадзіны, ад 11:00 да 18:00, поездка працягваецца каля 50 хвілін. Кожны пасажыр атрымлівае ў падарунак буклет, у якім падрабязна апісаная траса, якая праходзіць праз Стары і Новы Горад. Кошты: 12 зл. – білет нармальны на цэлую трасу, 6 зл. – білет нармальны на няпоўную трасу і ільготны білет (да 12 гадоў); варта зарэзэрваваць месца па тэлефоне (022) 534 55 04 альбо: This e-mail address is being protected from spambots. You need JavaScript enabled to view it ;
рэтра трамвай (па суботах і нядзелях у ліпені-жніўні) – лінія T. На такіх трамваях ездзілі калісьці па Варшаве, кандуктар гучна крычаў назву прыпынку, а форма выгона дазваляла ўскакваць і выскакваць з вагона на хаду. Трамвай пачынае (і заканчвае) маршрут на Placu Narutowicza, адкуль выяжджае кожныя 30 хвілін ад 12 да 18.- аўтобусы № 100 i 180. Хочаш у экспрэс-тэмпе пазнаёміцца са славутасцямі Варшавы? Тады маршрут №100 для Цябе. Ён забярэ Цябі ў 90-хвіліннае падарожжа са Старога Гораду і назад. Праедзеш каля Лазенак, Габрэйскіх могілак і па раёне Прага [Łazienek, Cmentarza Żydowskiego i po dzielnicy Praga]. Канечне ж, можна выйсці ў любы момант, каб бліжэй пазнаёміцца з гэтымі месцамі. Аўтобус курсіруе па суботах і нядзелях, а з ліпеня да верасня – штодзённа. Іншым маршрутам, які праходзіць ад Лазенак да Габрэйскіх могілак, з’яўляецца маршрут № 180. Курсіруе на працягу года. Каб ездзіць у гэтых аўтобусах, неабходныя звычайныя білеты гарадзкой камунікацыі. Расклады для абодвух аўтобусаў можна знайсці на Інтэрнэт-старонцы: www.ztm.waw.pl.
Больш інфармацыі на тэму турыстычнай камунікацыі знойдзеш на Інтэрнэт-старонцы:
www.ztm.waw.pl (глядзі закладкі ў левай частцы старонкі).
