Пашпарты для жывёл
У ЕС пашпарты патрабуюцца для сабак, катоў і хатніх тхораў і выдаюцца ў большасці ветэрынарных клінік. Калі ў дадзены момант Вы знаходзіцеся за межамі ЕС і хочаце прывезці з сабой жывёлу ў Польшчу, то па пытанню выдачы пашпарта Вы павінны звязацца з мясцовай ветэрынарнай службай.
Кошт выдачы пашпарта для паездкі жывёлы ў Польшчы складае 30 польскіх злотых. За правільнае састаўленне пашпарта адказвае ўрач клінікі, які выдае дакумент. Пашпарт з'яўляецца праяздным дакументам, як і амбулаторная карта. Калі жывёла, напрыклад, была прышчэплена, лячылася ці праходзіла прафілактычныя мерапрыемствы, то ўсе дадзеныя аб гэтым павінны быць унесены ў пашпарт.
Праз мяжу можна правезці таксама іншых жывёл (акрамя сабак, катоў і хатніх тхораў), у адносінах да якіх дзейнічаюць іншыя патрабаванні. Гэта, напрыклад:
- земнаводныя жывёлы, рэптыліі, беспазваночныя (за выключэннем пчол і ракападобных), грызуны,
- дэкаратыўныя трапічныя рыбы,
- птушкі,
- хатнія трусы.
У выпадку правозу пералічаных вышэй відаў патрабуецца выключна пасведчанне здароўя.
