Маёмасць перасяленца
Калі плануеш прыехаць у Польшчу ці іншую саюзную дзяржаву на доўгі тэрмін, то свае рэчы можаш перавезці ў рамках так званай “маёмасці перасяленца”. Да яе належаць:
- пераносныя элементы хатняй гаспадаркі (асабістыя рэчы, мэбля ці абсталяванне, прызначаныя для асабістага карыстання ці для вядзення хатняй гаспадаркі);
- ровары, матацыклы, аўтамабілі і іншыя транспартныя сродкі;
- пажыткі хатняй гаспадаркі, характэрныя для звычайных патрэбаў сям’і, хатнія жывёлы, пераносныя прылады і абсталяванне, неабходныя для таго, каб займаца рамяством і прафесіяй.
Пры перавозе маёмасці з дзяржавы, якая не належыць да ЕЗ, неабходна заявіць аб гэтым у мытным аддзеле. Абавязак гэты датычыць таксама рэчаў, на якія не налічаецца мыта. Вызваленне ад мыты датычыць маёмасці, якой мы карысталіся мінімум паўгода. Да маёмасці перасяленца нельга аднесці рэчы, купленыя зусім нядаўна альбо толькі што.
Пераезд можна пачаць перад атрыманнем польскай прапіскі. Аднак тады патрэбна заплаціць залог за тавары, якія мы перавозім. Гэты залог нам верне Мытная Палата [Izba Celna], калі ўсе фармальнасці будуць уладжаныя.
Перавозку маёмасці можна падзяліць на некалькі частак. Мы маем на гэта 12 месяцаў ад дня ўсталявання новага месца пражывання. Рэчы, якія мы ўлучылі ў маёмасць перасяленца, нельга прадаваць на працягу года. Калі зробім так, патрэбна будзе заплаціць мыту.
Распараджэнне Рады (EWG) № 2913/92 ад 12 кастрычніка 1992 г. усталёўваючае Агульны Мытны Кодэкс
