Migrancki Portal Wiedzy

Што можна завезці ў асабістым багажы?
Што такое маёмасць перасяленца?
Як купляць, каб не плаціць падаткі?
Колькі гатоўкі грошай можна завезці на тэрыторыю Польшчы?
За што плаціцца мыта?

Польшча з’яўляецца чальцом Еўрапейскага Звяза. Гэта азначае, што асоба, якая набыла падчас адпачынку ў Іспаніі бытавую тэхніку, можа без праблем завезці яе ў Польшчу. Гэта сітуацыя датычыць таксама набыцця тавару праз інтэрнэт. Тэхніка, купленая, напрыклад, у ангельскай краме, высылаецца ў Польшчу без налічэння мыты.

А што адбываецца ў выпадку тавараў, якія паходзяць з краін, не ўваходных у ЕЗ? Напрыклад, на выраблены ў Японіі тэлевізар будзе налічацца мыта, калі яго ў першы раз перавязуць праз мяжу Еўрапейскага Звяза. Гэты механізм, вядома, працуе ў абодва бакі. Мытнаму нагляду падлягаюць таксама тавары, паходзячыя з Еўрапейскага Звяза, якія вывозяцца з яго. Польшча мяжуе з трыма краінамі, якія не ўваходзяць у склад ЕЗ. Гэта азначае, што беларусы, украінцы, расейцы, а таксама грамадзяне іншых краін, не ўваходзячых у ЕЗ, павінны памятаць не толькі пра пашпарты, але таксама пра тое, што на тавары, якія яны перавозяць, можа налічацца мыта.

Падобнага роду правілы датычаць як беларуса, які перасякае мяжу з Польшчай, так і расейца, які дабіраецца да Берліна паветраным шляхам. Так ёсць з-за таго, што Польшча, як і Германія і 25 іншых краін, з’яўляецца чальцом Еўрапейскага Звяза. У рамках гэтай арганізацыі прводзіцца сумесная гандлёвая палітыка. Без абмежаванняў унутры, але з аднолькавымі парабаваннямі да трэціх краін.

Агульны рынак не азначае, аднак, што ЕЗ зачыняецца для трэціх краін. Веданне элементарных правілаў дазволіць без асобых перашкод перасячы мяжу.

Асабісты багаж і вызваленне ад мыты

Права прадугледжвае неабходнасць аплаты мыты, падатку ПДВ, а часам нават акцыза ў выпадку перавозу праз мяжу мноства рэчаў. На шчасце, можна разлічваць на вызваленне ад мыты ў выпадку, калі перавозіцца невялікая колькасць таго ці іншага тавара. Гэта азначае, што не павінна быць праблем, калі перасякаем мяжу з адным наўтбукам. Але без аплат не абысціся, калі б мы хацелі перавезці, напрыклад, дваццаць камп’ютэраў гэтага роду.

Па-першае, можна разлічваць на адносна вялікія памеры квот бязмытнага ўвозу для тавараў, якія перавозім ў асабістым багажы. Квота складае 300  эўра ў выпадку наземнага транспарта, а 430 эўра пры перасячэнні мяжы марскім альбо паветраным шляхам. Наступнай добрай навіной з’яўляецца той факт, што ў квоту ўваходзіць кошт далёка не ўсяго, што мы перавозім.

У выпадку перасячэння мяжы на аўтамабілі мытнік не зацікавіцца палівам, якое знаходзіцца ў бензабаку транспартнага сродку. Апрача гэтага, можна мець з сабой да 10 літраў паліва ў каністры. Хоць кошт тытунёвых вырабаў і алкагольных напояў таксама  не ўваходзяць у квоту, яны ўсё ж такі падлягаюць лімітам, што прадстаўлена ў табліцах.

Гэтыя ліміты суміруюцца для кожнага з пералічаных тытунёвых і алкагольных вырабаў. Гэта азначае, што калі асоба, якая заязджае ў Польшчу на аўтамабілі, мае 40 штук цыгарэт, то яна не можа ўжо перавезці хаця б адну цыгару. Аднак калі яна мае толькі 20 штук цыгарэт, то можа мець таксама і 5 цыгар. Дадатковым абмежаваннем з’яўляецца ўзроставы цэнз. Асоба, якая не мае 17 гадоў увогуле не можа мець пры сабе тытунёвых і алкагольных вырабаў.

Табліца 1: Колькі можна перавезці цыгарэт і інных тытунёвых вырабаў?

Крыніца: Закон ад 7 лістапада 2008 г. аб змене закона аб падатках на тавары і паслугі і некаторых іншых законаў, Dz.U. 2008 nr 209 poz. 1320.

Табліца 2: Якую колькасць алкаголю можна перавезці?

Крыніца:
Закон ад 7 лістапада 2008 г. аб змене закона аб падатку на тавары і паслугі і некаторых іншых законаў, Dz.U. 2008 nr 209 poz. 1320.