Абмен вадзіцельскіх правоў
Уладальнік нацыянальнага вадзіцельскага пасведчання, выдадзенага за мяжой, зазначанага ў канвенцыі аб дарожным руху, можа кіраваць адпаведным сродкам транспарту на тэрыторыі Польшчы на працягу 6 месяцаў ад даты пачатку пастаяннага або часовага знаходжання.
Уладальнік нацыянальнага вадзіцельскага пасведчання, выдадзенага за мяжой, можа атрымаць вадзіцельскія правы адпаведнай катэгорыі пасля таго, як аддасць замежны дакумент органам, якiя выдаюць вадзіцельскае пасведчанне.
Калі вадзіцельскае пасведчанне, выдадзенае за мяжой, не зазначана ў канвенцыях аб дарожным руху, трэба будзе здаць тэарэтычную частку дзяржаўнага экзамену і паказаць пераклад (зроблены прысяжным перакладчыкам) замежнага дакумента.
Права кіраваць сродкам транспарту пасведчвае адпаведны стараста, у залежнасці ад месца пражывання ці часовага знаходжання асобы, якая хадайнічае.
Вадзіцельскае пасведчанне, за выключэннем пасведчання катэгорыі Т, дае права кіраваць зазначаным у дадзеным дакуменце сродкам транспарту ў міжнародным руху, калі толькі ўлады дадзенай дзяржавы не патрабуюць, каб вадзіцель меў міжнароднае вадзіцельскае пасведчанне (выдадзенае на перыяд максімальна да 3 гадоў на падставе наяўнага вадзіцельскага пасведчання).
