Хто можа працаваць у Польшчы без неабходнасці атрымання дазволу?
Нацыянальнае заканадаўства акрэслівае шмат групаў асоб, якія могуць працаваць у Польшчы без неабходнасці атрымання дазволу. Немагчыма пералічыць тут усіх, таму, каб атрымаць падрабязную інфармацыю, неабходна зазірнуць у адпаведныя палажэнні1. Іншаземец, які мае права працаваць у Польшчы без неабходнасці атрымання дазволу, - гэта асоба, якая:
- мае статус бежанца, атрыманы ў Рэспубліцы Польшча;
- атрымала дадзеную ей дадатковую абарону ў Рэспубліцы Польшча;
- мае від на жыхарства ў Рэспубліцы Польшча;
- мае дазвол на знаходжанне доўгатэрміновага рэзідэнта Еўрапейскіх супольнасцей у Рэспубліцы Польшча ці ў іншай дзяржаве ЕС;
- мае згоду на талерантнае знаходжанне ў Рэспубліцы Польшча;
- карыстаецца часовай абаронай у Рэспубліцы Польшча;
- з'яўляецца грамадзянінам дзяржавы-члена Еўрапейскага Саюзу;
- карыстаецца свабодай перамяшчэння асоб у межах Еўрапейскай эканамічнай прасторы або на падставе ўмовы, заключанай з ЕЭП;
- з'яўляецца членам сям'і іншаземца, аб якім ідзе гаворка ў пукце 7-8;
- мае ў Рэспубліцы Польшча дазвол на жыхарства на вызначаны час або іншы дакумент на легальнае знаходжанне ў Польшчы, атрыманае ў сувязі з вызначанымі сямейнымі абставінамі (сужэнства, развод, смерць члена сям'і), а таксама яе сваяк па сыходнай лініі, які мае дазвол на жыхарства на вызначаны час;
- мае сапраўдную Карту паляка;
- хадайнічае аб прызнанні статусу бежанца, або з'яўляецца сужэнцам, ад імя якога была складзена заява аб прызнанні статусу бежанца;
- легальна працуе на тэрыторыі ЕЭП ці Швейцарыі, адначасова дэлегавана працадаўцай, каб выканаць паслугу на тэрыторыі Польшчы;
- звольнена ад неабходнасці атрымання дазволу на падставе дагавору ці міжнародных пагадненняў, якіх Рэспубліка Польшча з'яўляецца стараной;
- пастаянна знаходзіцца і працуе за мяжой, дэлегавана ў Польшчу да 3 месяцаў у годзе (у выпадку мантажнай, рэстаўрацыйнай ці рамонтнай працы, атрымання заказаннага абсталявання, тэхнікі, падрыхтавання працаўнікоў польскага работадаўцы, які з'яўляецца атрымальнікам абсталявання, мантажу і дэмантажу выставачных стэндаў, калі экспанентам з'яўляецца замежны працадаўца, а таксама іншай падобнай працы);
- з'яўляецца студэнтам дзеннага навучання ў Польшчы ці іншай дзяржаве ЕС;
- з'яўляецца выпускніком польскай сярэдняй школы, стацыянарнай вышэйшай установы ці стацыянарнага навучання ў аспірантуры польскай ВНУ (датычыць школ, якія ўнесены ў спіс Міністэрства адукацыі і здзяйсняюць умовы публічнай школы незалежна ад даты заканчэння школы);
- удзельнічае ў праграме, якая рэалізуецца ў рамках працы ЕС ці іншай міжнароднай праграме дапамогі;
- удзельнічае ў культурным і адукацыйным абмене, а таксама гуманітарнай дапамозе,
- выконвае творчыя або навуковыя паслугі 30 дзен у годзе;
- з'яўляецца навуковым працаўніком;
- належыць да іншых груп (выкладчыкі замежных моў, дэлегаваныя да працы ва ўстановах культуры, члены узброеных сіл, пастаянныя карэспандэнты сродкаў масавай інфармацыі, спартсмены, духоўныя асобы).
- з'яўляецца грамадзянінам дзяржаў, якія маюць супольную мяжу з Польшчай, а таксама дзяржаў, з якімі Польшча супрацоўнічае па накірунках заработнай міграцыі, якая:
- выконвае працу ў перыяд, неперавышаючы 6 месяцаў на працягу наступных 12 месяцаў, на падставе заявы суб'екта аб намеры ае працаўладкаваць;
- выконвае працу на падставе заявы суб'екта аб намеры ае працаўладкаваць у перыяд сапраўднасці атрыманнага дазволу на іншую працу.
1Арт. 87 Закона ад дня 20 красавіка 2004 г. аб садзейнічанні працаўладкаванню насельніцтва і інстытутах рынку працы (Заканадаўчы веснік з 2008 г., № 69, арт. 415 са змянн.) – Art. 87 Ustawy o promocji zatrudnienia i instytucjach rynku pracy (Dz. U. z 2008 r. Nr 69 poz. 415, z późn. zm.), Указ Міністра працы і сацыяльнай палітыкі ад дня 30 жніўня 2006 г. па пытанню выконвання працы іншаземцамі без неабходнасці атрымання дазволу на працу (Заканадаўчы веснік з 2006 г., № 156, арт. 1116, наст. змянн. З Заканадаўчы веснік з 2009 г., № 21, арт. 114) – Rozporządzenie Ministra Pracy i Polityki Społecznej z dnia 30 sierpnia 2006 r. w sprawie wykonywania pracy przez cudzoziemców bez konieczności uzyskania zezwolenia na pracę (Dz. U. z 2006 r., Nr 156, poz. 1116, ost. zmiana Dz. U. z 2009 r. Nr 21, poz. 114).
