Віды дазволаў на працу
У Польшчы можна атрымаць адзін з пяці тыпаў дазволаў на працу:
- A – датычыць іншаземца, які выконвае працу ў Польшчы на падставе пагаднення з польскім працадаўцам (месцазнаходжаннем з'яўляецца Польшча). Толькі ў гэтым выпадку трэба праводзіць «тэст рынку працы»;
- B - датычыць іншаземца – члена кіравання прадпрыемствам ці акцыянернага таварыства ў арганізацыі ў перыяд больш 6 месяцаў на працягу наступных 12 месяцаў;
- C - датычыць іншаземца, які выконвае працу ў замежнага працадаўцы, дэлегаванага на тэрыторыю Польшчы на час большы чым 30 дзен у каляндарным годзе ў аддзел ці прадпрыемства замежнага суб'екта, яго залежнага суб'екта або суб'екта, звязанага доўгатэрміновым дагаворам аб супрацоўніцтве з замежным працадаўцам. У інструкцыі не тлумачыцца акрэсленне «доўгатэрміновасць дагавора». Трэба рабіць выснову, што такі дагавор ня можа быць карацейшы, чым тэрмін, на які будзе выдадзены дазвол на працу;
- D - датычыць іншаземца, які выконвае працу ў замежнага працадаўцы, які ня мае ніякай зарганізаванай формы дзейнасці на тэрыторыі Польшчы, дэлегаваны на тэрыторыю Рэспублікі Польшча з мэтай выканаць часовыя і пры нагодзе іншыя паслугі (экспартная паслуга);
- E – найбольш сустраканы, датычыць сітуацый, якія засталіся, і якія немагчыма кваліфікаваць згодна з іншымі тыпамі дазволаў, а менавіта – іншаземца, які выконвае працу ў замежнага працадаўцы, дэлегаванага на тэрыторыю Рэспублікі Польшча на больш чым 3 месяцы на працягу наступных 6 месяцаў з іншай мэтай, чым выкананне экспартнай паслугі, праца ў кіраўніцтве прадпрыемствам ці камандзіроўка працаваць у аддзеле замежнага суб'екта ў Польшчы.
Дазвол на працу выдаецца на тэрмін да 5 гадоў, аднак гэта ад ваяводы залежыць, якім будзе гэты тэрмін. Працягласць тэрміну дзеяння дазволу на працу можа такім чынам адрознівацца паміж ваяводствамі. Яна рэгулюецца пастановамі ваяводы. У Мазавецкім ваяводстве дазволы выдаюцца на вызначаны час:
- у выпадку дэфіцытных прафесій, зазначаных у пастанове ваяводы, якіх не датычыць патрэба правядзення тэста рынку працы – на тэрмін ня больш 2 гадоў;
- у выпадку, калі іншаземец выконвае функцыю ў кіраўніцтве юрыдычнай асобы, якая на дзень складання заявы дае працу больш чым 25 асобам, на тэрмін не даўжэй чым на 5 гадоў;
- у выпадку дазволу на працу тыпу D ваявода выдае дазвол на працу на тэрмін камандзіроўкі, не даўжэй чым на 3 гады;
- у выпадку, калі іншаземец выконвае працу на тэрыторыі Рэспублікі Польшча ў суб'екце, звязаным доўгатэрміновым дагаворам аб супрацоўніцтве, на перыяд рэалізацыі дагавора, не даўжэй чым на 3 гады;
- у астатніх выпадках, калі заява будзе датычыць дазволу на працу іншаземца, рашэнне будзе прымацца на тэрмін да 12 месяцаў, а падчас падаўжэння дазволу на тэрмін не даўжэй, чым на 2 гады.
