Прапіска шляхам адміністрацыйнага рашэння
Калі складзеныя дадзеныя выклікаюць сумненне, аб выкананні прапіскі вырашае орган шляхам рашэння.
Неабходныя дакументы:
- заява з абгрунтаваным тлумачэннем, чаму заяўнік ня мог прапісацца ў нармальным парадку (матэрыяльна-тэхнічным дзеянні),
- бланк, запоўнены і падпісаны асобай, якая хадайнічае аб прапісцы,
- для азнаямлення, калі асоба з'яўляецца ўладальнікам, дакумент, які пацвярджае права ўласнасці на памяшканне, у якім павінна быць здзейснена прапіска,
- даведка аб выпісцы з папярэдняга пастаяннага месцазнаходжання (у выпадку хадайніцтва аб пастаяннай прапісцы).
Спосаб і тэрмін здзяйснення справы
Са складаннем заявы пачынаецца выясняючы працэс, мэтай якога з'яўляецца расследаванне законнасці знаходжання асобы ў памяшканні. Працэс уключае ў сябе ў т. л. допыт бакоў, а таксама сведкаў, здзяйсненне рэгістрацыйнага кантролю і т. п.
Гэты працэс заканчвае адміністрацыйнае рашэнне аб прапісцы або адмове ў прапісцы асобы.
Тэрмін разгляду справы – выдачы адміністрацыйнага рашэння – не пазней чым на працягу месяца, а ў справах асабліва складаных – не пазней чым на працягу 2 месяцаў. Гэты тэрмін можа быць прадоўжаны, аднак орган абавязаны ў такім выпадку апавясціць бакі аб адсутнасці рашэння справы на час і прызначыць новы тэрмін яго разгляду.
Апеляцыйны парадак
На рашэнне, выдадзенае органам, бакі працэсу маюць права падаць апеляцыю да адпаведнага ваяводы, на працягу 14 дзён ад даты ўручэння гэтага рашэння.
Апеляцыя складаецца пры пасрэдніцтве органа, які выдаў рашэнне.
Аплаты
10 зл (zł) за выданне адміністрацыйнага рашэння.
Апеляцыя вызвалена ад падатковага збору.
