Прапіска на часовае знаходжанне, якое доўжыцца даўжэй 3 месяцаў
Памятай, што гэты від прапіскі магчымы на тэрмін не даўжэй чым перыяд, на які быў выдадзены дакумент, які дае табе права легальна знаходзіцца ў Польшчы!
Неабходныя дакументы:
- запоўнены і падпісаны бланк заявы на часовае знаходжанне, якое доўжыцца больш 3 месяцаў,
- іншаземец прадастаўляе пашпарт ці іншы дакумент, які дазваляе распазнаць асобу, а таксама дакумент, які пацвярджае легальнасць знаходжання ў Польшчы, на прыклад, візу, карту знаходжання, іг.д. (даведайся ва ўстанове, які гэта будзе дакумент у тваім выпадку);
акрамя таго:
- для азнаямлення арыгінал дакумента, які пацвярджае права ўласнасці на памяшканне: прыклад, грамадзянскі дагавор (напр. дагавор найму), рашэнне суда, адміністрацыйнае рашэнне, выпіска з кадастравай кнігі або іншы дакумент, які пацвярджае права ўласнасці на памяшканне.
УВАГА!
Запаўняючы бланк, табе трэба атрымаць на ім пацвярджэнне знаходжання ў памяшканні, у якім ты хочаш прапісацца. Пацвярджэнне робіць асоба, якая валодае правам уласнасці на памяшканне (напр. уладальнік памяшкання). Часцей за ўсё аднак установы патрабуюць асабістай яўкі гэтага асобы.
Асоба атрымлівае дакумент, які пацвярджае прапіску (дакумент сапраўдны да заканчэння тэрміну прапіскі).
Прапіска на часовае знаходжанне, якое доўжыцца да 3 месяцаў
Неабходныя дакументы:
пашпарт ці іншы дакумент, які дазваляе распазнаць асобу, а таксама дакумент, які пацвярджае легальнасць знаходжання ў Польшчы, на прыклад, віза, карта знаходжання, іг.д. (даведайся ва ўстанове, які гэта будзе дакумент у тваім выпадку);
УВАГА!
Прапіска на часовае знаходжанне да 3 месяцаў афармляецца вусна ва ўпраўленні горада/гміны (urząd miasta/gminy) у прысутнасці ўладальніка або наймальніка памяшкання пасля прад'яўлення права ўласнасці на памяшканне, падаючы дадзеныя, якія патрабуе закон (пераканайся ва ўстанове, якая інфармацыя спатрэбіцца).
Асоба атрымлівае дакумент, які пацвярджае прапіску (дакумент сапраўдны да заканчэння тэрміну прапіскі).
