Пачатковая школа і гімназія
У Польшчы абавязковым з'яўляецца навучанне да дасягнення дзіцём 18 гадоў. Абавязковы школьны абавязак датычыць усіх дзяцей, незалежна ад легальнасці побыту, юрыдычнага статусу дзіцяці і яго бацькоў. Навучальны год пачынаецца 1 верасня, а заканчваецца звычайна пасля 20 чэрвеня.
Абавязковая школьная адукацыя дзіцяці пачынаецца з пачаткам навучальнага года ў тым календарным годзе, у якім дзіцяці споўніцца 7 гадоў, і доўжыцца да заканчэння гімназіі, аднак не больш чым да дасягнення 18 гадоў. Па заяве бацькоў навучанне ў пачатковай школе можа распачаць дзіця, якому да 1 верасня споўніцца 6 гадоў, калі ён выявіць псіхафізічную сталасць для пачатку школьнага навучання. Рашэнне аб больш ранейшым прыняцці дзіцяці ў пачатковую школу прымае дырэктар школы пасля таго, як даведаецца аб заключэнні грамадскага псіхолага-педагагічнага савета.
Дзіця, якое было датэрмінова прынята ў пачатковую школу, звальняецца ад абавязковага праходжання гадавой падрыхтоўкі да школы.
Вы можаце накіраваць сваё шасцігадовае дзіця ў школу!
Згодна новым палажэнням, уведзеным у 2009 годзе, Вы маеце права накіраваць сваё шасцігадовае дзіця ў першы клас пачатковай школы ў 2009/2010 навучальным годзе, калі яно нарадзілася ў перыяд з 1 студзеня па 30 красавіка 2003 г. У такім выпадку дырэктар школы не мае права адмовіць у прыняцці дзіцяці ў школу!
Калі Ваша дзіця нарадзілася ў перыяд з 30 мая па 31 снежня 2003 г., Вы можаце хадайнічаць аб яго прыняцці ў школу. У такім выпадку дырэктар школы можа Вам адмовіць у прыняцці дзіцяці ў школу, калі дзіця раней не наведвала дзіцячы сад і калі ў дадзенай школе няма месцаў для шасцілетак.
У першы клас агульнаадукацыйнай пачатковай школы прымаюцца дзеці, якія пражываюць у межах акругі дадзенай пачатковай школы, a па заяве бацькоў/законных апякуноў – дзеці, якія пражываюць за межамі акругі дадзенай школы (у выпадку, калі ў школе ёсць свабодныя месцы). Навучанне ў пачатковай школе доўжыцца 6 гадоў і заканчваецца экзаменам. Экзамен не мае фармальных вынікаў для выбару далейшага шляху адукацыі. Дзіця, якое заканчвае пачатковую школу, мае пачатковую адукацыю.
