Ліцэй
Ліцэй з'яўляецца паслягімназіяльнай сярэдняй школай. Навучанне ў ліцэі доўжыцца 3 гады і заканчваецца выпускным экзаменам. Пасля здачы выпускнога экзамена вучань атрымлівае атэстат сталасці, які дае яму права на далейшае навучанне.
Выдзяляюць два тыпы ліцэяў: агульнаадукацыйныя ліцэі і профільныя ліцэі, якія даюць адукацыю ў сферы агульнапрафесійнай адукацыі.
Існуюць таксама дадатковыя 2-гадовыя ліцэі, прызначаныя для выпускнікоў асноўных прафесійных школ. Навучанне ў іх таксама заканчваецца выпускным экзаменам. Асоба, якая скончыла ліцэй і не здала выпускны экзамен, мае няпоўную сярэднюю адукацыю. Асоба, якая скончыла ліцэй і паспяхова здала выпускны экзамен, мае сярэднюю адукацыю.
Тэхнікум
Тэхнікум з'яўляецца паслягімназіяльнай сярэдняй школай. Навучанне ў тэхнікуме доўжыцца 4 гады і заканчваецца двума экзаменамі: прафесійным экзаменам, пасля здачы якога вучні атрымліваюць дыплом, які пацвярджае прафесійную кваліфікацыю, а таксама выпускным экзаменам.
Ёсць таксама магчымасць пачатку навучання ў дадатковым 2- ці 3-гадовым тэхнікуме, які могуць наведваць выпускнікі асноўных прафесійных школ. Выпускнік тэхнікума можа мець сярэднюю тэхнічную адукацыю (калі ён паспяхова здасць выпускны экзамен), ці няпоўную сярэднюю тэхнічную адукацыю.
Асноўная прафесійная школа
Асноўная прафесійная школа з'яўляецца паслягімназіяльнай школай, якая рэалізуе праграму навучання ў сферы агульнай і прафесійнай адукацыі. Навучанне ў гэтай школе доўжыцца два-тры гады. Прафесійнае навучанне адбываецца на ўзроўні вучня майстра згодна профілю дадзенай навучальнай установы.
Асноўную прафесійную школу можна скончыць, атрымаўшы атэстат аб яе заканчэнні, ці атрымаўшы атэстат і дыплом, які сведчыць аб прафесійнай кваліфікацыі, калі вучань здасць неабавязковы прафесійны экзамен, які здаецца Акружной экзаменацыйнай камісіі (Okręgowа Komisа Egzaminacyjnа). Пасля заканчэння асноўнай прафесійнай школы можна працягнуць навучанне ў агульнаадукацыйным дадатковым ліцэі ці ў дадатковым тэхнікуме.
