Яслі
Яслі з'яўляюцца апякунскай і выхаваўчай установай для дзяцей ва ўзросце ад 6 тыдняў да 3 гадоў, бацькі ці апякуны якіх працуюць па-за межамі дома. У яслях дзецям даецца харчаванне, медыцынскі догляд, выхаваўчая апека, а таксама дадатковыя заняткі. У Польшчы ёсць грамадскія і прыватныя яслі.
Грамадскія яслі з'яўляюцца бясплатнымі, аднак кольскасць месцаў у іх абмежавана. Бацькі ці апякуны дзіцяці могуць выбраць любыя яслі. Часта ўмовай прыняцця можа быць наяўнасць прапіскі на тэрыторыі дадзенай гміны ці павята.
Акрамя таго, абодва бацькі/апякуны павінны працаваць. У прыватныя яслі прымаюцца ўсе дзеці, але яны з'яўляюцца платнымі. У залежнасці ад рэгіёну, цэны вагаюцца ў межах ад некалькіх соцен да тысячы злотых і вышэй штомесячна.
Дзіцячы сад
Дзіцячы сад – гэта апякунская і выхаваўчая арганізацыя для дзяцей ва ўзросце ад 3 да 6 гадоў. У асобых выпадках дырэктар дзіцячага сада можа прыняць дзіця, якому споўнілася 2,5 года.
У Польшчы наведванне дзіцячага сада не з'яўляецца абавязковым. Абавязковай з'яўляецца гадавая падрыхтоўка да школы, т.наз. «нулеўка» ("zerówka") (апошні год дзіцячага саду, які падрыхтоўвае да навучання ў пачатковай школе) для 6-гадовых дзяцей. «Нулеўкі» арганізаваны ў дзіцячых садах, але школы таксама маюць права ўтварэння такога аддзялення.
Абавязковае наведванне «нулёўкі» пачынаецца з пачаткам навучальнага года ў тым календарным годзе, у якім дзіцяці споўніцца 6 гадоў, што вынікае з закону ад 7 верасня 1991 г. аб сістэме адукацыі (Веснік законаў ад 2005 г. № 164, паз. 1365)
Задачай дзіцячых садоў з'яўляецца забеспячэнне дзецям адпаведных умоў для фізічнага, разумовага, эмацыянальнага і грамадскага развіцця, выраўніванне магчымых недахопаў і затрымак у дадзенай сферы, падрыхтоўка дзіцяці да навучання ў школе, а таксама дапамога працуючым бацькам у забяспечэнні выхаваўчай апекі над дзецьмі. Дзіцячыя сады, як і яслі, могуць быць грамадскімі і прыватнымі. Дзіцячыя сады не з'яўляюцца бясплатнымі, а памер аплаты ў грамадскіх дзіцячых садах усталёўваецца гмінай, на тэрыторыі якой знаходзіцца гэты дзіцячы сад. Аплата, якую ўносяць бацькі дзіцяці, якое наведвае дзіцячы сад, прызначана перш за ўсё на пакрыццё расходаў на харчаванне і дадатковыя заняткі. Яна вагаецца ў межах 150-350 польскіх злотых штомесячна. Плата за прыватныя дзіцячыя сады значана вышэйшая, яна можа дасягаць 1000-1300 польскіх злотых штомесячна.
У дзіцячы сад і дашкольны аддзел, арганізаваны ў пачатковай школе, у першую чаргу прымаюцца дзеці ва ўзросце 6 гадоў, якія праходзяць гадавую падрыхтоўку да школы (т. зв. «нулёўка»). Затым прымаюцца дзеці, якіх выхоўвае маці ці бацька-адзіночка, ці адзін з бацькоў якіх мае абмежаваныя фізічныя магчымасці ці поўную непрацаздольнасць, а таксама нездольнасць самастойна сябе абслугоўваць, а таксама дзеці, якія знаходзяцца ў прыёмных сем'ях. Права на дашкольнае выхаванне маюць таксама дзеці ва ўзросце 5 гадоў.
Калі шлях шасцігадовага дзіцяці ад хаты да бліжэйшага грамадскага дзіцячага сада ці дашкольнага аддзялення ў пачатковай школе перавышае 3 км, то абавязкам гміны з'яўляецца забеспячэнне бясплатнага транспарту і апекі падчас перавозу дзіцяці ці пакрыццё расходаў па пераезду дзіцяці і апекуна грамадскім транспартам, калі яго прывозяць самі бацькі.
