Вышэйшыя школы ў Польшчы
У польскай сістэме адукацыі вышэйшыя школы – гэта ўстановы, якія даюць адукацыю для выпускнікоў ліцэяў і тэхнікумаў, якія здалі выпускны экзамен. Навучанне двухузроўневае: трохгадовае I узроўню, а таксам двухгадовае навучанне II узроўню. Навучанне I узроўню заканчваецца прысваеннем прафесійнага звання ліцэнцыята ці інжынера, а навучанне II узроўню – прысваеннем прафесійнага звання магістра, магістра-інжынера.
Аднак некаторыя кірункі маюць форму магістратуры і заканчваюцца атрыманнем звання магістра ці ўрача, урача-дантыста, ветэрынарнага ўрача. Заканчэнне навучання II узроўню ці магістратуры дазваляе працягнуць навучанне ў аспірантуры. Атрыманне звання магістра дае магчымасць атрымання далейшай паслядыпломнай адукацыі.
Паслядыпломная адукацыя дае магчымасць атрымання дадатковых спецыялізаваных ведаў у зусім іншай вобласці, якая адрозніваецца ад галоўнага кірунку навучання. Паслядыпломная адукацыя звычайна працягваецца 2 семестры, аднак можа доўжыцца і да 4 семестраў.
Асобныя факультэты вышэйшай навучальнай установы могуць прысвойваць вучоныя ступені кандыдата навук, а таксама доктора навук. Вышэйшая навучальная ўстанова, якая мае як мінімум адно паўнамоцтва для прысваення вучонага звання кандыдата навук, мае статус акадэмічнай установы, а тая вышэйшая навучальная ўстанова, якая не адпавядае гэтай умове, – прафесіянальнай навучальнай установы.
Вучоба ў вышэйшых навучальных установах можа ажыццяўляцца ў розных формах. Выдзяляюць дзённую форму навучання, на якой працэс навучання ажыццяўляецца на працягу дня з панядзелка па пятніцу. Працэс навучання на вячэрняй форме навучання ажыццяўляецца ў пасляабедзенны ці вячэрні час, таксама з панядзелка па пятніцу. Чарговай формай навучання з'яўляецца завочная форма навучання, пры якой вучэбны працэс ажыццяўляецца ў выхадныя дні.
Вышэйшыя навучальныя ўстановы могуць быць грамадскімі і прыватнымі. Навучанне ў грамадскіх вышэйшых навучальных установах звычайна танней. Навучанне на дзённай форме навучання для грамадзян Польшчы часцей за ўсё з'яўляецца бясплатным, аплата можа брацца за навучанне на вячэрняй і завочнай формах навучання. У прыватных вышэйшых навучальных установах плата за навучанне бярэцца за любую форму навучання, прадугледжаную ў статуце вышэйшай навучальнай установы.
