Як належыць перасякаць мяжу са сваім маленькім гадаванцам?
Кантролю мытнымі службамі падлягаюць жывёлы ў колькасці да 5 штук, якія перавозяцца ў некамерцыйных мэтах. Жывёлы ў колькасці болей 5 штук, а таксама тыя, якія перавозяцца ў камерцыйных мэтах, нягледзячы на колькасць, падлягаюць ветэрынарнаму пагранічнаму кантролю. Калі жывёла перавозіцца самалётам без гаспадара, яна заўсёды падлягае ветэрынарнаму пагранічнаму кантролю. Трэба памятаць, што з жывёламі можна перасякаць толькі тыя пагранічныя пункты, пры якіх ёсць ветэрынарны кантроль!
Пералік пагранічных ветэрынарных інспекцый
Павятовыя ветэрынарныя інспекцыі па ваяводствам
Юрыдычная падстава:
Распараджэнне міністра сельскай гаспадаркі і развіцця сяла ад 17 красавіка 2007 г. аб спісе пагранічных пунктаў, на якіх мытныя органы ажыццяўляюць кантроль хатніх жывёл, якія перавозяцца ў некамерцыйных мэтах
Сабакі, каты і хатнія тхоры, якія не дасягнулі 3-месячнага ўзросту, не могуць перавозіцца ў іншыя краіны ЕС, за выключэннем выпадкаў, калі палажэнні краіны, у якую Вы едзеце, дапускаюць такую магчымасць. Калі гаворка ідзе аб іншых жывёлах, то яны падпарадкоўваюцца нацыянальным палажэнням.
ВАЖНА! Увоз у Польшчу жывёл, якія не дасягнулі 3-месячнага ўзросту, не дапушчальны.
ВАЖНА! Калі кантроль выявіць, што дадзеная жывёла не адпавядае патрабаванням, якія датычаць увозу, то, пракансультаваўшыся з афіцыйным ветэрынарным урачом, адпаведныя ўлады прымаюць рашэнне аб вяртанні жывёлы ў краіну яе паходжання, аб ізаляцыі жывёлы пад афіцыйным кантролем на працягу часу, неабходнага для выканання патрабаванняў, якія датычаць здароўя, за кошт гаспадара ці фізічнай асобы, якая адказвае за жывёлу, ці, у крайнім выпадку, аб усыпленні жывёлы, без фінансавай кампенсацыі, калі нельга ажыццявіць вяртанне жывёлы ці нельга ізаляваць яе шляхам каранціну.
У выпадку ўзнікнення якіх-небудзь сумненняў, якія датычаць абставін паездкі з жывёламі, лепш за ўсё атрымаць інфармацыю ў Консульстве РП у Вашай краіне.
