Выпіска з пастаяннага знаходжання/часовага, якое доўжыцца даўжэй 3 месяцаў
Неабходныя дакументы:
- запоўнены і падпісаны бланк заявы аб выпісцы,
- пашпарт ці іншы дакумент, які дазваляе распазнаць асобу (даведайся ва ўстанове, які гэта будзе дакумент у тваім выпадку)
Увага!
Здзяйсненне выпіскі з пастаяннага або часовага (больш 3 месяцаў) месца жыхарства ажыццяўляецца асабіста ў адпаведнай установе, улічваючы існуючае дагэтуль пастаяннае або часовае месцазнаходжанне, найпазней у дзень выезду з гэтага месца. Некаторыя ўстановы дапускаюць магчымасць карэспандэнцкай выпіскі.
УВАГА!
Калі тэрмін часовага знаходжання, якое доўжыцца даўжэй 3 месяцаў, адпавядае тэрміну, які быў унесены пры прапісцы; асоба, якая пакідае гэта месцазнаходжанне, вызваляецца ад абавязку выпісвання сябе/выпіскі (на прыклад, калі ты прапісаўся на тэрмін дзеяння дакумента падарожжа і пакідаеш месца знаходжання пасля заканчэння гэтага тэрміну, то ты вызваляешся ад абавязку выпісвання сябе).
асоба атрымлівае дакумент, які пацвярджае выпіску.
Выпіска з часовага знаходжання працягласцю да 3 месяцаў
Абавязак выпіскі датычыцца цябе, калі ты пакідаеш месца часовай прапіскі працягласцю да 3 месяцаў, перад заканчэннем тэрміну, на які ты быў прапісаны.
Неабходныя дакументы: пашпарт ці іншы дакумент, які дазваляе распазнаць асобу (даведайся ва ўстанове, які гэта будзе дакумент у тваім выпадку)
УВАГА!
Здзяйсненне выпіскі з часовага месца жыхарства, якое доўжыцца да 3 месяцаў, ажыццяўляецца асабіста ў адпаведнай установе, улічваючы існуючае дагэтуль часовае месцазнаходжанне, найпазней у дзень выезду з гэтага месца.
УВАГА!
Здзяйсненне выпіскі ажыццяўляецца вусна, ня трэба запаўняць ніякіх бланкаў.
УВАГА!
Калі тэрмін часовага знаходжання, даўжынёй да 3 месяцаў, адпавядае тэрміну, які быў унесены пры прапісцы; асоба, якая пакідае гэта месцазнаходжанне, вызваляецца ад абавязку выпісвання сябе / выпіскі.
Асоба атрымлівае дакумент, які пацвярджае вусную заяву аб выпісцы.
Выпіска шляхам адміністрацыйнага рашэння
У выпадку выезду з пастаяннага або часовага месцазнаходжання, якое доўжыцца больш 3 месяцаў, і невыканання абавязку выпіскі сябе, орган па заяве або аўтаматычна выдае рашэнне па справе выпіскі.
Неабходныя дакументы:
- заяву аб выпісцы, якая змяшчае дадзеныя асобы, якую трэба выпісаць, абгрунтаванне, указанне месца яго новага знаходжання,
- для азнаямлення дакумент, які пацвярджае права ўласнасці на памяшканне: выпіска з кадастравай кнігі, грамадзянскі дагавор, адміністрацыйнае рашэнне, рашэнне суда або іншы дакумент, які пацвярджае права ўласнасці на памяшканне.
Спосаб здзяйснення справы, апеляцыйны парадак і аплаты з'яўляюцца такімі самымі, як у выпадку прапіскі шляхам адміністрацыйнага рашэння.
ВАЖНА!
Варта ведаць, што невыкананне рэгістрацыйнага абавязку з'яўляецца правапарушэннем і падлягае пакаранню ў выглядзе абмежавання волі, штрафу ці вымовы. Такім чынам, калі адкінуць справу прапіскі або выпіскі, або асоба, у памяшканні якой ты знаходзішся, адмаўляе прапісаць цябе, то кожнаму з вас пагражае адказнасць, прадугледжаная Кодэксам правапарушэнняў (арт. 147 Кодэкса правапарушэнняў – art. 147 Kodeksu Wykroczeń).
Арт. 147. § 1. Хто не выконвае рэгістрацыйнага абавязку, які ляжыць на ім, падлягае пакаранню ў выглядзе абмежавання волі, штрафу ці вымовы.
§ 2. Хто, будучы да гэтага абавязаным, не паведамляе адпаведны орган аб невыкананні іншай асобай рэгістрацыйнага абавязку, які на ім ляжыць, падлягае пакаранню ў выглядзе штрафу або вымовы.
УВАГА!
Калі ўладальнік памяшкання ня хоча цябе прапісаць, ты можаш спаслацца на рэгістрацыйны абавязак, вынікаючы з законапалажэнняў, а таксама на санкцыі ў выпадку невыканання яго.
